Сәбит Мұқанов атындағы бастауыш мектебінде «Ұлыстың ұлы күні - Наурыз »мерекесін ұлттық салт –дәстүрімізбен, әдет-ғұрпымызбен байланыстыра насихаттап ,балалардың өз ұлтының құндылықтарына деген құрметі мен сүйіспеншілігін арттыру мақсатында  1-2 сыныптарда «»Төрлет,Наурыз .төрлет! (сынып жетекшісі Э.Атығаева), 3-4 сыныптарда «Наурыз –жыл басы» (сынып жетекшісі Х.Баялиева ) тақырыптарында тәрбие сабақтары өткізілді .

        8 наурыз -Халықаралық әйелдер мерекесінің мағынасын түсіндіру, анаға деген сүйіспеншілікті,құрметті , мейірімділікті арттыру мақсатында Сәбит Мұқанов атындағы бастауыш мектебінде 1-2 сыныптарда «Айналайын ,ақ анам !» ( сынып жетекшісі Э.Атығаева) ,3-4 сыныптарда «Аяулы анашым»(сынып жетекшісі Х.Баялиева) тақырыптарында тәрбие сабақтары өткізілді .Тәрбие сабағына 1-4 сыныптардағы 19 оқушы қамтылды.

2016 жылғы 14 қаңтарда Қазақстан Республикасының Тұңғыш Президенті Н. Ә. Назарбаев Қазақстан халқы Ассамблеясының құрылған күні 1 наурызды «Алғыс айту күні»- деп жариялады. Тұңғыш рет Алғыс айту күні деп жариялау туралы № 173 Жарлыққа қол қойды.
 Алғыс айту күні – бұл, ең алдымен, елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанатты күні. Бұл – тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзым белгісі. Қазақ халқы қиын – қыстау заманда олардың басына түскен ауырпалықты қайыспай бірге көтере білді, бұл бүгінгі таңда еліміздің түрлі ұлт өкілдерінің арасында адамгершілік қарым - қатынастың өнегелі өлшеміне айналды.

Сәбит Мұқанов атындағы бастауыш мектебінде 1 наурыз -Алғыс айту күніне орай   іс-шара  өткізіліп, мектеп оқушылары:                                                                                                                       Анаға – өмір сыйлағаны үшін,
Әкеге – қорған болғаны үшін,
Далаға – гүлдері мен көк шалғыны үшін,
Сөзге – жанды жылытатыны үшін,
Күнге – шуағы мен назары үшін,
Жұлдызға – қараңғы түндегі жарығы үшін,
Досқа – құшағы мен иығы үшін,
Әжеге – ыстық алақаны үшін,
Суға – тіршілік көзі болғаны үшін,
Жерге – махаббаты мен бар болғаны үшін,
Отқа – жылулығы үшін..
Рахмет айтамыз! деп өздерінің шынайы алғыс сезімдерін білдірді .